११ असार २०७६, काठमाडौं
इङ्गल्याण्डमा जारी आइसीसी एकदिवसीय विश्वकप क्रिकेटमा आज न्यूजिल्याण्ड र पाकिस्तानबिच भिडन्त हुँदैछ ।
जारी विश्वकप क्रिकेटमा दाबेदारको रुपमा हेरिएको न्यूजिल्याण्ड र एसियाली टोली पाकिस्तान बिचको खेल एजबास्टन मैदानमा साझ ३ः१५ बजेदेखि सुरु हुँदैछ । आज हुने खेलमा न्यूजिल्याण्डले आफ्नो अपराजित यात्रा जारी राख्ने लक्ष्य लिएको छ भने पाकिस्तानले न्यूजिल्याण्डलाई हराउँदै विश्वकप क्रिकेटमा टिकि रहने रणनीति लिएको छ ।
सन् १९९२ को विश्व विजेता पाकिस्तान यस पटकको विश्वकप क्रिकेटमा त्यति जम्न सकेको छैन । यस अघिका विश्वकप भिडन्तमा पाकिस्तानले न्यूजिल्याण्डलाई ६ पटक हराएको छ भने न्यूजिल्याण्डले जम्मा दुई पटक ।
जारी विश्वकपमा अपराजित रहेको न्यूजिल्याण्ड ६ खेलमा ११ अंक सहित अंक तालिकाको दोस्रो स्थानमा रहेको छ भने समान खेलबाट ५ अंक बनाएको पाकिस्तान सातौं स्थानमा सिमित छ ।
आज हुने खेलमा कमजोर देखिएको पाकिस्तानले उपाधिको दाबेदार मानिएको न्यूजिल्याण्लाई हराएर फेरी विश्वकपमा इतिहास रच्ने हो वा होइन त्ससका लागि यि दुई विचको रोमाञ्चक भिडन्त हेर्न जरुरी देखिन्छ ।
