११ असार २०७६, काठमाडौं
जारी आईसीसी एकदिवसीय विश्वकप क्रिकेटमा आज न्यूजिल्याण्ड र पाकिस्तान भिड्दैछन् । बर्षाका कारण तोकिएको समय भन्दा ढिलो गरी शुरु भएको खेलमा न्यूजिल्याण्डले टस जितेर पहिला ब्याटिङ्ग रोजेको छ ।
बर्षाका कारण खेल ढिला शुरु गरिए पनि निर्धारित ओभर भने घटाईएको छैन । जारी विश्वकपमा अपराजित न्यूजिल्याण्ड र आज जित्नैपर्ने दबाव रहेको पाकिस्तान विचको यो खेल निकै नै रोमाञ्चक हुने विश्लेषकहरुले जनाएका छन् ।
अंक तालिकामा दोस्रो स्थानमा रहेको न्यूजिल्याण्डले पाकिस्तानलाई पराजित गरेमा न्यूजिल्याण्ड जारी विश्वकपको सेमिफाईनल पुग्ने दोस्रो टिम बन्नेछ । यसअघि इङ्गल्याण्डलाई पराजित गर्दै अष्ट्रेलिया सेमिफाईनल पुग्ने पहिलो टिम बनेको छ ।
