११ असार २०७६, कञ्चनपुर
कञ्चनपुरको भीमदत्तनगरमा जारी प्रधानमन्त्री कप महिला क्रिकेट राष्ट्रिय प्रतियोगितामा घरेलु टोली सुदूरपश्चिम प्रदेशलाई ६ विकेटले पराजित गर्दै सशस्त्र प्रहरी बलको एपिएफ क्लबले उपाधिमा कब्जा जमाएको छ ।
टस हारेर पहिले ब्याटिङ्ग गरेको सुदुर पश्चिमले निर्धारित २० ओभरको खेलमा सवै विकेट गुमाई ७२ रनको लक्ष्य दिएको थियो । जफावमा एपीएफले १४ ओभरमा चार विकेट गुमाई ७४ रन बनाउन सफल भएको थियो ।
प्रधानमन्त्री कप महिला क्रिकेटमा प्रतियोगितामा विजेता टोलीले रु चार लाख पुरस्कार प्राप्त गरेका छन् भने दोस्रो हुनेले रु तीन लाख र तेस्रो हुनेले रु दुई लाख पुरस्कार हात पारेका छन् ।
प्रतियोगितामा सशस्त्र प्रहरी बलको एपिएफ र सात प्रदेश सहित आठ टोली सहभागी भएका थिए ।
