१२ असार २०७६, काठमाडौँ
महानायकको रुपमा परिचित राजेश हमाल सदावहार चर्चामा रहने अभिनेता हुन् । उनी अहिले चलचित्रमा त्यति देखिएका छैनन् । तर मिडियाबाट टाढा पनि छैनन् । केहीसमय अघि राजेश हमाल चलचित्र प्रेमगीत ३ मा प्रदिपको बुबाको भूमिकामा देखिने भन्ने कुराको चर्चा चलेको थियो ।
राजेशले स्क्रिप्ट मन पराएका पनि थिए । तर पछि उनले चलचित्रबाट हात झिके र उनको ठाउँमा नायक शिव श्रेष्ठ अनुबन्धित भए । राजेशले आफू चलचित्र प्रेमगीत ३ बाट निस्कनुको कारण बताएका छन् ।
राजेशले आफूलाई चलचित्रको कथावस्तु राम्रो लागेपनि उक्त क्यारेक्टरमा आफूलाई फिट नहुने महशुस भएपछि चलचित्रबाट हात झिकेको बताए । उनले यो भन्दा अगाडी पनि बाबुको भूमिका निर्वाह भने नगरेका होइनन् । तर उनले प्रेमगीत ३ को क्यारेक्टरमा आफूलाई भेटेनन् त्यसैले चलचित्रबाट हात झिकेका हुन् ।
