१३ असार २०७६, काठमाडौँ
नायिका नम्रता श्रेष्ठको मुख्य भूमिका रहेको चलचित्र जाइरा को पहिलो गीत सार्वजनिक भएको छ । जाइरा नम्रताको लागि निकै विशेष रहेको उनले बताएकी छिन् । यसै चलचित्रको लागि उनले आफ्नो कपाल पनि छोट्याएकी थिइन् । चलचित्रमा नम्रताको एक्सन पनि देख्न सकिन्छ ।
रवि मल्लको शब्द र कल्याण सिंहको संगीत रहेको आँखाले बोल्छ बोलको गीतमा सन्तोष लामाको आवाज रहेको छ । निकै रोमान्टिक शैलीको गीतमा चलचित्रका मुख्य कलाकार नम्रता श्रेष्ठ र अनुप विक्रम शाही फिचर्ड छन् ।
गीतमा अनुप र नम्रताबीच निकै गहिरो माया भएको देख्न सकिन्छ । गीतमा नम्रता र अनुपको लिप किस पनि देख्न सकिन्छ । चलचित्र जाइरा भदौ ६ गतेबाट देशव्यापी रुपमा प्रदर्शनमा आउँदै छ ।
