१३ असार २०७६, काठमाडौं
इङ्गल्याण्डमा जारी आईसीसी एकदिवसीय विश्वकप क्रिकेटमा भारतको अपराजित यात्रा कायमै रहेको छ । गएराति सम्पन्न खेलमा भारतले प्रतिद्वन्दी वेष्ट इण्डिजलाई १२५ रनले पराजित गरेको छ । यससँगै वेष्ट इण्डिज विश्वकप क्रिकेटबाट बाहिरिएको छ भने भारत सेमिफाइनल नजिक पुगेको छ ।
टस जितेर पहिला ब्याटिङ्ग गरेको भारतले निर्धारित ५० ओभरमा ७ विकेट गुमाई दुई सय ६८ रन बनाएको थियो । जवाफमा वेष्ट इण्डिजले ३४.२ ओभरमा सवै विकेट गुमाई एक सय ४३ रन बनाएपछि भारत भारी रन अन्तरले विजयी भएको हो ।
अफगानिस्तान र दक्षिण अफ्रिका पनि यसअघि विश्वकप क्रिकेटबाट बाहिरिसकेका छन् । वेस्ट इण्डिजले अब श्रीलंका र अफगानिस्तानसँग दुई खेल्न बाँकी छ ।
