दुई जुम्ल्याह दिदिबहिनी नक्कली शाहरुखको प्रेममा !

१३ असार २०७६, काठमाडौँ

पछिल्लो समयमा टिकटक बाट भाइरल भएका दुई जुम्ल्याहा दिदिबहिनी प्रिज्मा, प्रिन्सी खतिवडा र दिपा, दमन्ता श्रेष्ठको चर्चा यतिबेला जताततै भैरहेको छ । यी जुम्ल्याहा दिदिबहिनीको टिकटक भिडियोलाई दर्शकले निकै रुचाउने गरेका छन् ।

टिकटकमा यी दिदिबहिनीको फ्यान फलोइङ पनि निकै लोभलाग्दो रहेको छ । यी दुवै जुम्ल्याहाले म्यूजिक भिडियोमा पनि काम गरिसकेका छन् । यी चार दिदिबहिनीले पहिलो पटक एकसाथ खेलेको म्यूजिक भिडियो भर्खरै सार्वजनिक भएको छ ।

दिपक सिलवालको शब्द र संगीत रहेको अमिलो निबुवा बोलको गीतमा जीवन रसाइली र निकिता थापाको आवाज रहेको छ । निकै रमाइलो शैलीको गीतमा प्रिज्मा, प्रिन्सी, दिपा, दमन्ताका साथ शिशिर भण्डारी र मिलन शंकर पनि फिचर्ड छन् । उक्त गीतलाई गम्भिर विष्टले कोरियोग्राफी गरेका हुन् ।