१४ असार २०७६, काठमाडौं
इङ्गल्याण्डमा जारी आईसीसी एकदिवसीय विश्वकप क्रिकेटमा श्रीलंकालाई दक्षिण अफ्रिकाले स्तब्ध बनाएको छ ।
शुक्रबार राति सम्पन्न खेलमा सेमिफाइनल होडबाट बाहिरिसकेको दक्षिण अफ्रिकाले श्रीलंकालाई ९ विकेटले पराजित गरेको हो । यो हारसँगै श्रीलंकाको सेमिफाईन पुग्ने सम्भवना कमजोर बनेको छ ।
टस हारेर पहिला ब्याटिङ्ग गरेको श्रीलंका ४९.३ ओभरमा सवै विकेट गुमाई दुई सय ३ रन बनाएको थियो । जवाफमा दक्षिण अफ्रिकाले ३७.२ ओभरमा एक विकेटको क्षतिमा दुई सय ६ रन बनाएको थियो ।
जारी विश्वकप क्रिकेटमा दक्षिण अफ्रिकाले अब अन्तिम खेल अस्ट्रेलियासँग खेल्नेछ भने श्रीलंकाले वेस्ट इन्डिज र भारतसँग खेल्न बाँकी नै रहेको छ ।
