पटक–पटक ज्यान मार्ने धम्की आएपछि चर्चित गायिका अञ्जु पन्त मिडियामा रुदैँ आइन्

१४ असार २०७६, काठमाडौँ

नेपाली संगीत जगतमा गायिका अञ्जु पन्तको छुट्टै क्रेज छ । उनी संगीत क्षेत्रमा लागेको लामो समय भैसकेको छ । उनले आधुनिक, लोकदोहोरी, पप र चलचित्रमा थुप्रै गीतहरु गाइसकेकी छिन् ।

अञ्जु पन्त चर्चा र विवादमा आइरहने गायिका हुन् । उनलाई धेरैजसो धर्मको प्रचार गर्ने गरेको आरोप लाग्ने गर्छ  । अञ्जु पन्त क्रिस्चियन धर्म मान्छिन् । त्यसैले उनलाई आफ्नो धर्मको प्रचार गर्दै हिड्ने आरोप आउँछ ।

अहिले अञ्जु पन्त रुदैँ मिडियामा आएकी छिन्  । उनलाई पटक पटक ज्यान मार्ने धम्की आइरहेको छ । अञ्जु पन्त आफूले त्यस्तो केही गलत काम नगर्दा पनि ज्यान मार्ने धम्की आएकाले चकित छिन् । उनले रुदैँ यो कुराले आफूलाई निकै तनाव दिइरहेको पनि बताइन् ।