१४ असार २०७६, काठमाडौँ
एसईई परीक्षामा बी प्लस ग्रेड ल्याउन सफल भएपछि अहिले नायिका करिश्मा मानन्धर निकै खुसी छिन् । त्यसैगरी जताततै उनकै मात्र चर्चा चलिरहेको छ भने उनलाई बधाई दिनेको ओइरो लागिरहेको छ ।
आफ्नो खुसी साट्नको लागि करिश्माले एक कार्यक्रम पनि राखिन् । उनलाई बधाई दिनको लागि धेरै कलाकार उनले राखेको कार्यक्रममा आएका थिए । करिश्माले केक पनि काटिन् । आफ्नो लागि सबैजना यतिधेरै खुसी भएको देखेर करिश्मा निकै भावुक पनि भइन् । उनले सबैलाई धन्यवाद दिन पनि भ्याइन् ।
करिश्माले अब प्लस टु पनि आफू निकै मेहेनत गरेर पढ्ने बताएकी छिन् । करिश्माले आफूलाई महंगा कलेजबाट अफर आइरहेको तर आफू भने सरकारी कलेजबाट नै प्लस टु गर्ने बताएकी छिन् ।
