१५ असार २०७६, काठमाडौँ
लामो समयदेखि चलचित्र प्रेमगीत ३ को लागि नायिकाको खोजी भैरहेको थियो । निकै भव्यका साथ गीत भूमिकाको लागि नायिकाको अडिसन पनि लिइएको थियो । लगभग ३ हजार युवतीले गीतको भूमिकाको लागि अडिसन दिएका थिए ।
तीमध्ये चलचित्र निर्माण टिमले उत्कृष्ट २५ छानेका थिए । अन्ततः प्रेमगीत ३ ले नायिका फाइनल गरेको छ । प्रेमगीत ३ का लागि क्रिष्टिना गुरुङ फाइनल भएकी छिन् । अमेरिकामा बस्दै आएकी कृष्टिना प्रेमगीत ३ को अडिसनको लागि नै नेपाल आएकी हुन् ।
चलचित्र निर्माण टिमले उनको अभिनय, सुन्दरता र आत्मविश्वासको आधारमा उनलाई गीतको भूमिकामा छनौट गरेको बताएका छन् । कृष्टिनालाई हाम्रो तर्फबाट पनि धेरै धेरै बधाई तथा शुभकामना । कृष्टिनासँग अब नायक प्रदिप खड्काको जोडी कत्तिको जम्ने हो त्यो हेर्न भने दर्शकले केही समय प्रतिक्षा गर्नैपर्छ ।
