स्वस्तिमा र जसितासँग रोमान्स गर्दै धिरज !

१५ असार २०७६, काठमाडौँ

धिरज मगर छोटो समयमा निकै चर्चा कमाउन सफल अभिनेता हुन् । पहिलो चलचित्र इन्टु मिन्टु लण्डनमा बाट उनले नसोचेको सफलता पाए । अहिले उनी आफ्नो दोस्रो चलचित्र आइ एम ट्वान्टि वान को लागि मेहेनत गरिरहेका छन् ।

यो चलचित्रमा लामो समयदेखि धिरजको अपोजिटमा नायिका जसिता गुरुङ हुने चर्चा चलिरहेको थियो । प्राप्त जानकारी अनुसार त जसिता चलचित्रमा अनुबन्धित भइसकेकी पनि छिन् । तर रेनशाले जसितासँग कुरा मात्र भएको तर कागजी सम्झौता भने अहिलेसम्म नभएको बताएकी छिन् ।

त्यस्तै चलचित्रमा नायिका स्वस्तिमा खड्काको पनि प्रवेश भएको हल्ला चलेको छ । चलचित्र क्रिकोणात्मक प्रेमकथामा बन्ने भएकाले चलचित्रका लागि २ नायिका चाहिने रेनशाले बताएकी छिन् । रेनशाले स्वस्तिमासँग पनि कुराकानी चाहिँ भएको बताएकी छिन् । उनले कागजी सम्झौता भने अहिलेसम्म धिरजसँग मात्र भएकाले चलचित्रमा नायिका को रहने भन्ने कुराको फाइनल नभएको बताएकी छिन् ।