१६ असार २०७६, काठमाडौं
सिंगापुरमा आयोजना हुन गईरहेको आईसीसी टी–२० विश्वकप क्रिकेट अन्तर्गत एसियाली छनौट प्रतियोगिताका लागि नेपालबाट पारस खड्काको कप्तानीमा १४ सदस्यीय खेलाडी टोलीको घोषणा भएको छ ।
टोलीमा कप्तान पारस खड्का, उपकप्तान ज्ञानेन्द्र मल्ल, शरद भेषावकर, बसन्त रेग्मी, सोमपाल कामी, विनोद भण्डारी, करण केसी, सन्दीप लामिछाने, दिपेन्द्रसिंह ऐरी, रोहितकुमार पौडेल, ललित नारायण राजवंशी, पवन सर्राफ, अभिनाश बोहोरा र प्रदिप ऐरी रहेका छन् भने बैकल्पीक खेलाडीहरुमा आरिफ शेख, जितेन्द्र मुखिया, कुशल भुर्तेल र सुशन भारी छनौट भएका छन् ।
जुलाई २० देखि २८ तारिखसम्म हुने एसियाली छनौट प्रतियोगितामा भारतीय प्रशिक्षक उमेश पटवालले पारख खड्काको कप्तानीमा १४ सदस्यीय खेलाडी टोलीको घोषणा गरेका हुन् ।
