१७ असार २०७६, काठमाडौं
इङ्गल्याण्डमा जारी आइसीसी एकदीवसीय विश्वकप क्रिकेटमा श्रीलंकाले वेस्ट इण्डिजलाई २३ रनले पराजित गरेको छ ।
टस हारेर पहिला ब्याटिङ्ग गरेको श्रीलंकाले निर्धारित ५० ओभरमा ६ विकेट गुमाई तीन सय ३८ रन जोडेको थियो । जवाफमा वेस्टइन्डिजले ५० ओभरमा ९ विकेट गुमाउदै ३१५ रन मात्र बनाएपछि खेल श्रीलंकाले २३ रनले जितेको हो ।
गएराती सम्पन्न खेलमा श्रीलंकाका लागि आभिष्का फेर्नान्डोले १०४ रन बनाउदै शतकीय पारी खेलेका थिए । श्रीलंकाका बलर लातिस मालिंगाले सर्वाधिक ३ विकेट लिए भने एन्गोलो म्याथ्युज, कसुन राजिथा र जेफ्रे भण्डरसेले एक एक विकेट लिएका थिए ।
जारी विश्वकप क्रिकेटमा आज भारत र बंगलादेशबीच भिडन्त हुँदैछ ।
