१७ असार २०७६, काठमाडौँ
दिलीप रायमाझी नेपाली चलचित्र जगतका नाम चलेका अभिनेता हुन् । उनको अभिनय र नृत्यको सधैँ चर्चा हुने गरेको छ । दिलीप अहिले चलचित्रमा त्यति देखिएका छैनन् । तर उनी म्यूजिक भिडियोमा भने उत्तिकै व्यस्त छन् । दिलीप जति राम्रा छन् उनकी छोरी पनि त्यति नै राम्री छिन् ।
दिलीपकी छोरी दिव्या रायमाझी पनि अब नेपाली चलचित्र क्षेत्रमा आउने तरखरमा रहेकी छिन् । उनले आफूलाई चलचित्रमा आउने रहर भएको बताइरहँदा शिवहरि पौडलले निर्माण गर्न लागेको चलचित्रमा दिलीपकी छोरी नायिका हुने चर्चा चलिरहेको छ । दिव्या अहिले अमेरिकामा छिन् । यदि उनी नै चलचित्रको नायिकाको रुपमा छनौट भएमा छिट्टै नेपाल आउने सोच दिव्याको रहेको छ । यतिबेला सामाजिक सञ्जालमा उनका तस्बिरहरु भाइरल भैरहेका छन् ।
