१८ असार २०७६, काठमाडौँ
टिकटक पछिल्लो समयमा सर्वाधिक लोकप्रिय बनेको सामाजिक सञ्जालको माध्यम हो । आजभोली टिकटक नचलाउने सायद कोही छैनन् होला । विश्वभरका मानिसले यो एप प्रयोग गर्छन् ।
टिकटक बाटै धेरै जना सेलिब्रेटि समेत बनिसकेका छन् । तर आजभोली टिकटक ले नकरात्मक रुप पनि लिदैँ गएको छ । टिकटक बनाउनको लागि मानिसले जे पनि गर्ने गरेका छन् । पछिल्लो समयमा टिकटक बनाउँदा मानिसको ज्यान गएको समाचार समेत सुन्नमा आएको छ ।
केहीदिन अघिमात्र पनि २० बर्षिया युवकको टिकटक बनाउँदा ज्यान गएको छ । ती युवकले टिकटक भिडियोको लागि जिमन्यास्टिक गर्न लाग्दा उनको टाउको पछारिएर भाचिएको हो । उनलाई तुरुन्त हस्पिटल त लगियो तर ८ दिनसम्म हस्पिटलमा राखेपछि उपचार नभएर उनको ज्यान गयो । यो राम्रो कुरा पक्कै होइन । हामी रमाइलोको लागि टिकटक बनाउँछौँ तर आफूले नसक्ने काम टिकटक को लागि मात्र गर्दा यसरी नै हाम्रो ज्यान जान सक्छ ।
