१९ असार २०७६, काठमाडौँ
जारी आईसीसी एकदिवसीय विश्वकप क्रिकेट अन्तर्गत इङ्गल्याण्डले न्यूजिल्याण्डलाई एक सय १९ रन अन्तरले पराजित गर्दै सेमिफाइनलको यात्रा तय गरेको छ ।
बुधबार राति रिभरसाइड मैदानमा सम्पन्न खेलमा घरेलु टोली इङ्गल्याण्डले निर्धारित ५० ओभरमा आठ विकेट गुमाई तीन सय ५ रन बनाएको थियो । जवाफमा न्यूजिल्याण्डले ४५ ओभरमा सबै विकेट गुमाई एक सय ८६ रन बनाएको थियो ।
जितसँगै इङ्गल्याण्डले नौ खेलबाट १२ अंक बनाएको छ । यसअघि अष्ट्रेलिया र भारत सेमिफाइनलमा पुगिसकेका छन् ।
