दोधारमा परिन् झरना, ‘भागवत गीता’ र ‘ए मेरो हजुर ४’ मा पहिले कुन बन्ला त ?

२० असार २०७६, काठमाडौँ

झरना थापा यतिबेला आफ्नो पुरा परिवारसहित युरोप भ्रमणमा छिन् । उनी चलचित्र ए मेरो हजुर ३ को प्रदर्शनको लागि विश्वका विभिन्न देशहरु घुमिरहेकी छिन् । नेपालमा सुपरहिट साबित भएको चलचित्रलाई विदेशमा बस्ने दर्शकले पनि उत्तिकै रुचाएका छन् ।

यस्तै ए मेरो हजुर ३ बाट रजतपटमा आएकी नायिका सुहाना थापाको पनि यतिबेला चौतर्फी चर्चा भैरहेको छ । झरना थापाले अब लामो समयदेखि निर्माण गर्छु भनेर राखेको चलचित्र भागवत गिता बनाउँछु भनेकी थिइन् । तर अधिकांश दर्शक र वितरकले पनि उनलाई ए मेरो हजुर ४ नै बनाउन आग्रह गरिरहेका छन् ।

यतिबेला झरनाको मन दोधारमा छ । आफूले चाहेको चलचित्र निर्माण गर्ने कि वितरक र दर्शकको सल्लाह मान्ने भन्ने कुराले उनलाई सताइरहेको छ । झरनाले आफ्नो युरोप भ्रमण सकेर नेपाल फर्किएपछि यस विषयबारे सोचेर चाडैँ निर्णय लिने बताएकी छिन् ।