२० असार २०७६, काठमाडौँ
नेपाल आइडल पछि नेपालमा थुप्रै स्तरीय रियालिटी शो हरु आउन थालेका छन् । अहिले जस्तो पायो त्यस्तै रियालिटी शो हरु बन्दैनन् । नेपाल आइडल लाई यसको श्रेय मान्न सकिन्छ । किनकी सुरुमा नेपाल आइडल ले नै मानिसहरु रियालिटी शो हेर्न मनलाग्ने बनाएको थियो ।
नेपाल आइडल पछि भ्वाइस अफ नेपाल, बुगी वुगी, लोकस्टार र अब कमेडी च्याम्पियन पनि आउने भएको छ । हिजोमात्र राजधानीमा एक कार्यक्रमको आयोजना गर्दै यो रियालिटी शो बारे जानकारी दिइएको थियो ।
कमेडी च्याम्पियन मा सन्तोष पन्त, नायिका ऋचा शर्मा, निर्देशक प्रदिप भट्टराई र मनोज गजुरेल जजको रुपमा रहनेछन् । यसमा सहभागी हुनका लागि कमेडी च्याम्पिएनको एप्स डाउनलोड गरेर नेपालबाट सहभागी हुनेले सम्पादन नगरिएको ३ मिनेटको भिडियो र विदेशबाट सहभागी हुन चाहनेले ५ मिनेटको भिडियो आयोजक पक्षलाई पठाउनुपर्नेछ । यीनै भिडियोलाई हेरेर निर्णायकले चयन गरेको आधारमा उत्कृष्ट भएकाहरुले विभिन्न शहरमा हुने कमेडी च्याम्पिएनसिपको अडिसनमा सहभागीता जनाउन पाउनेछन् ।’
अडिसनबाट चयन भएकाहरुमध्ये उत्कृष्ट २५ बाट १५ हुँदै उत्कृष्ट ३ लाई फाइनलमा उतारिने आयोजकले बताएको छ । विजेताले २५ लाख नगद र कार प्राप्त गर्नेछ । यो शोलाई नायिका रीमा विश्वकर्माले होस्ट गर्नेछिन् ।
