२० असार २०७६, काठमाडौँ
नेपाल आइडल सिजन २ बाट सुमित पाठकको चर्चा निकै चुलिएको छ । उनी नेपाल आइडल सिजन २ को फस्ट सेकेण्ड रनरअप बन्न सफल भएका थिए । त्यसपछि उनको व्यस्तता निकै बढेको हो ।
अहिले उनी देश तथा विदेशका कार्यक्रममा निकै व्यस्त छन् । यस्तै भर्खरै मात्र सुमितको नयाँ गीत रिलिज भएको छ । कालिप्रसाद बास्कोटाको शब्द र संगीत रहेको समाचार बोलको गीतमा सुमित पाठकको आवाज रहेको छ ।
गीतमा स्वयम सुमित पाठक र टिकटकबाट चर्चामा आएकी शिक्षा संग्रौला फिचर्ड छन् । गीतमा सुमित र शिक्षाको माया र बिछोडलाई देखाइएको छ । उक्त गीतको भिडियोलाई लोकेश बज्रचार्यले निर्देशन गरेका हुन् ।
