२१ असार २०७६, काठमाडौँ
अभिनेत्री पूजा शर्मा र अभिनेता आकाश श्रेष्ठ अभिनीत चलचित्र रामकहानी युट्युबमा सार्वजनिक भएको छ । यो चलचित्र हिजो साँझ ५ बजे युट्युबमा सार्वजनिक गरिएको हो । दर्शकले लामो समयदेखि यो चलचित्रको माग गरिरहेका थिए ।
छोटो समयमा नै यो चलचित्रलाई धेरै दर्शकले हेरिसकेका छन् । हलमा सफल साबित भएको चलचित्रलाई युट्युबमा सार्वजनिक भएसँगै तारिफ नै तारिफ मिलेको छ । चलचित्र हेर्ने अधिकांशले चलचित्रको कथावस्तु र कलाकारको अभिनयलाई निकै रुचाएका छन् । बढी दर्शकको कमेन्ट भने आकाश र पूजाको लागि नै रहेको छ । धेरैले आकाश र पूजाको जोडीलाई निकै मन पराएका छन् ।
