चलचित्र ‘जात्रै जात्रा’ गौरवमय ५१ दिन मनाउन सफल, कति पुग्यो त ५१ मा दिनमा चलचित्रको कमाई ?

२१ असार २०७६, काठमाडौँ

चलचित्र जात्रै जात्रा ले यो बर्ष प्रदर्शनमा आएका चलचित्रहरुमध्ये सबैभन्दा धेरै कमाई गर्ने चलचित्रमा आफ्नो नाम लेखाइसकेको छ । चलचित्रलाई दर्शक र समिक्षक दुवैले उत्कृष्ट बताए भने यस चलचित्रका नायक नायिकाको पनि राम्रै चर्चा भयो ।

चलचित्र जात्रै जात्रा मा विपिन कार्की, रविन्द्र झा, रविन्द्र सिंह बानियाँ, बर्षा राउत, दयाहाङ राई लगायतका कलाकारको मुख्य भूमिका रहेको थियो । यो चलचित्रले गौरवमय ५१ औँ दिन मनाउन सफल भएको छ ।

पछिल्लो समय नेपाली चलचित्रले त्यति राम्रो कमाई नगरेको अवस्थामा जात्रै जात्रा ले राम्रो चलचित्र बनाए चल्छ भन्ने कुरालाई साबित गरिदिएको छ । यस्तै निर्देशक प्रदिप भट्टराईले यो चलचित्रबाट ह्याट्रिक गरेका छन् । यसअघि उनका शत्रु गते र जात्रा ले ५१ औँ दिन मनाएका थिए ।