स्क्रिन सेयरमा प्रेमिल जोडीहरु, तपाईको नजरमा कुन जोडी बेष्ट ?

२१ असार २०७६, काठमाडौँ

नेपाली चलचित्र क्षेत्रमा यस्ता केही जोडीहरु पनि छन् । जसलाई दर्शकले निकै रुचाउने गरेका छन् । त्यस्तै चलचित्रमा निकै रुचाएका कतिपय जोडीहरु रियल लाइफका पनि जोडी बनिसकेका छन् भने कतिको प्रेम सम्बन्धको चर्चा चल्ने गरेको छ ।

निश्चल बस्नेत र स्वस्तिमा खड्काको जोडीलाई दर्शकले निकै रुचाउने गरेका छन् । उनीहरुलाई राष्ट्रिय दाजु भाउजुको उपनाम समेत दिइएको छ । रियल लाइफ जोडी निश्चल र स्वस्तिमाले म्यूजिक भिडियोमा काम गरिसकेका छन् भने भर्खरै एक चलचित्रको छायांकन सकाएका छन् ।

यस्तै प्रदिप खड्का र जसिता गुरुङको जोडीलाई पनि पर्दामा निकै रुचाइएको थियो । यी दुईले एकसाथ चलचित्र लिलिबिली मा काम गरेका थिए । त्यसपछि प्रदिप र जसिताको प्रेमको कुरा आउन थालेको हो । यो जोडीलाई दर्शकले रियलमा जोडी भएको हेर्न मन गरेका छन् । पछिल्लो समयमा आकाश श्रेष्ठ र पूजा शर्माको जोडी पनि चर्चाको शिखरमा छ । यो जोडीलाई दर्शकले रामकहानी बाट मन पराएका हुन् ।

प्रियंका कार्की र आयुष्मान देशराज जोशी अहिलेका सर्वाधिक चर्चित कपल हुन् । यी दुईको माया चलचित्रको छायांकनको क्रममा बसेको थियो । यस्तै आँचल शर्मा र पल शाहको जोडी सधैँ पहिलो स्थानमा आउने गर्छ । यी दुईको फ्यान फलोइङ निकै लोभलाग्दो रहेको छ । पूर्व मिस नेपाल सृष्टि श्रेष्ठ र चर्चित अभिनेता सौगात मल्लको पछिल्लो समयमा निकै चर्चा हुन थालेको छ । रियल लाइफका प्रेमजोडी सौगात र सृष्टिले एकसाथ चलचित्रमा काम गरिसकेका छन् तर उक्त चलचित्र प्रदर्शनमा आउन बाकिँ नै छ ।