२४ असार २०७६, काठमाडौँ
चलचित्र हजार जुनीसम्म दर्शकको लागि प्रतिक्षित चलचित्र हो । विकाश आचार्यले राम्रो चलचित्र निर्माण गर्छन् भन्ने विश्वास विकाशले दर्शकलाई दिलाइसकेका छन् । त्यसैले उनले निर्माण गरेका चलचित्र दर्शकको लागि प्रतिक्षित नै हुन्छन् ।
त्यसैमाथि हजार जुनीसम्म मा त बरिष्ठ कलाकारको ओइरो नै छ । हजार जुनीसम्म मा हामीले आर्यन सिग्देल, प्रियंका कार्की, स्वस्तिमा खड्का, सञ्चिता लुईटेल, सलोन बस्नेत, अनुभव रेग्मी लगायतका कलाकारको अभिनय देख्न सक्छौँ । यस्तै केहीसमय अघि रिलिज भएको एमजी रोडैमा बोलको गीतले चलचित्रको हाइप निकै बढाएको छ । अब केहीदिनमै चलचित्रको दोस्रो गीत पनि रिलिज गर्ने निर्माण टिमले बताएको छ ।
दिपाश्री निरौलाको आइटम डान्स रहेको गीतमा आर्यन र दिपाको ठुम्का देख्न सकिन्छ । उक्त गीतका केही तस्बिर निर्माण टिमले सार्वजनिक गरेको छ । फोटोमा आर्यन र दिपाका साथ शिवहरि पौडेललाई पनि देख्न सकिन्छ ।
