२४ असार २०७६, काठमाडौँ
नायिका प्रियंका चोपडा यतिबेला आफ्ना पति निकसँग इटालीमा छिन् । उनीहरु इटालीमा होलिडे मनाइरहेका छन् । यस्तै प्रियंका र निकले इटालीमा कुकिङ क्लास पनि लिएका छन् ।
निकले कुकिङ गरिरहेको केही तस्बिर सामाजिक सञ्जालमा सेयर गरेका छन् । जहाँ प्रियंकालाई केही बनाइरहेको देख्न सकिन्छ । तर उनले बनाउन भने सकेकी छैनन् । प्रियंका केहीसमय अघि आफूलाई राम्रोसँग खाना बनाउन नआउने बताएकी छिन् ।
अरु नभएपनि उनले ब्रेकफास्ट चाहिँ बनाउन जानेको बताएकी छिन् । उनी आफ्नो होलिडे बाट फर्किएपछि पुनः आफ्नो काममा व्यस्त हुनेछिन् ।
