२४ असार २०७६, काठमाडौँ
चलचित्र म यस्तो गीत गाउँछु २ को आज शुभ मुर्हुत गरिएको छ । धेरै समयदेखि यो चलचित्रको कलाकार फाइनल भएका थिएनन् । कहिले अनमोल त कहिले पल चलचित्रमा हुने भनिएको थियो ।
नायिका पूजा शर्मा भने पहिले नै चलचित्रमा फाइनल भैसकेकी थिइन् । अन्ततः चलचित्र म यस्तो गीत गाउँछु २ का लागि पल र पूजा नै फाइनल भएका छन् । म यस्तो गीत गाउँछु मा पल र पूजा फिचर्ड थिए । पल र पूजाको केमेष्ट्रिलाई पनि दर्शकले निकै रुचाएका थिए भने यी दुईलाई चलचित्रको पर्दामा पुनः हेर्न मन भएको बताएका थिए ।
म यस्तो गीत गाउँछु पछि पूजा र पलको सम्बन्ध चिसिएको बताइएको थियो । तर पल र पूजाले यो कुरालाई गलत साबित गरिदिएका छन् । उनीहरु दोस्रो पटक चलचित्रमा सँगै सहकार्य गर्दैछन् ।
