‘गलबन्दी’ गीतले फेरि बनायो नयाँ रेकर्ड, ४४ दिनमै पायो २ करोड भ्यूज

२५ असार २०७६, काठमाडौँ

गलबन्दी गीतको चर्चा अहिलेसम्म सेलाएको छैन । गलबन्दी गीत विवादमा पनि आयो तर यसको लोकप्रियता भने घटेन । गलबन्दी गीतले सबैभन्दा छोटो समयमा १ करोड भ्यूज पाउने गीतको रेकर्ड बनाएको थियो । यो गीतले मात्र १८ दिनमा १ करोड भ्यूज पाएको थियो ।

गलबन्दीले फेरि नयाँ रेकर्ड बनाएको छ । यो गीतले छोटो समयमा सर्वाधिक २ करोड भ्यूज पाएको गीतको रेकर्ड बनाएको छ । गलबन्दी गीतले मात्र ४४ दिनमा २ करोड भ्यूज पाएको छ । यो गीतको भिडियोलाई ३ लाख ७१ हजारले लाइक गरेका छन् भने डिसलाइक गर्नेको संख्या मात्र २० हजार रहेको छ । गीतमा ३० हजार बढीले कमेन्ट गरेका छन् भने अधिकांश कमेन्ट सकरात्मक नै रहेका छन् ।

प्रकाश सपूतको शब्द र संगीतमा तयार भएको गीतमा प्रकाश र शान्तिको आवाज सुन्न सकिन्छ । गीतमा प्रकाश र अञ्जली फिचर्ड छन् । यो गीतले सबैभन्दा धेरै फाइदा अञ्जलीलाई भएको छ । यहि गीतबाट उनको चर्चा निकै बढेको छ ।