‘शिल्पासँग झगडा भएको हो तर मैले उसलाई पिटेको छैन’ : छवि ओझा

२६ असार २०७६, काठमाडौँ

अहिले छवि र शिल्पाको झगडा सबैभन्दा चर्चाको विषय बनिरहेको छ । शिल्पाले केहीदिन अघि आफू छविबाट नै असुरक्षित भएकोे भन्दै प्रहरीमा उजुरी दिएकी थिइन् । त्यसपछि प्रहरीले मंगलबार शिल्पा र छविलाई छलफलका लागि चौकी बोलाएको थियो ।

यसबारे छवि बोलेका छन् । उनले मंगलबार आफू चौकी गएको तर शिल्पा नै नआएको बताए । हिजो बुधबार पनि छवि बिरामी भएकाले उनीहरुको वार्ता हुन सकेन । तर छविले शिल्पा र आफ्नो झगडा भएको भएपनि हातपात नगरेको बताएका छन् ।

छविले असार ८ गते दिउँसो सानो कुरामा आफ्नो र शिल्पाको झगडा भएको र शिल्पा त्यतिबेलै स्कुटर लिएर निस्किएको बताए । साथै उनले शिल्पा बिकास रौनियर (शिल्पाले बनाएको) दाईकोमा गएर बसेको पनि स्पष्ट पारे । छविले आफ्नो र छविको झगडा उकास्नमा उनका दाजु भाउजुले ठूलो काम गरिरहेको बताएका छन् ।

शिल्पाले छविले पिटेर आफ्नो कानको जाली नै फुटेको बताएकी थिइन् । छविले भने आफूले शिल्पालाई पिटेको भए यत्तिका दिनसम्म उनी किन प्रहरीको नगई अहिले गइन् भनेर प्रश्न गरेका छन् । छविले शिल्पालाई आफूले हात नउठाएको बताएका छन् । शिल्पाले भने छविसँग डिभोर्स मागेको कुरा पनि बाहिर आएको छ ।