दिपासँग उधारोमा रक्सी माग्दै आर्यन

२७ असार २०७६, काठमाडौँ

चलचित्र हजार जुनीसम्म को नयाँ गीत रिलिज भएको छ । केहीसमय अघि चलचित्र हजार जुनीसम्म को एमजी रोडैमा बोलको गीत रिलिज भएको थियो । जुन गीतले सर्वाधिक चर्चा पाएको थियो । भर्खरै मात्र चलचित्रको दोस्रो गीत रिलिज गरिएको छ ।

एक नारायण भण्डारीको शब्द र बसन्त सापकोटाको संगीत रहेको आज नगद भोली उदारो बोलको गीतमा मिना निरौला र प्रल्हाद तिमल्सिनाको आवाज रहेको छ । निकै रमाइलो शैलीको गीतमा दिपाश्री निरौला, आर्यन सिग्देल, शिवहरि पौडेल लगायतका कलाकार फिचर्ड छन् । उक्त गीतलाई कविराज गहतराजले कोरियोग्राफी गरेका हुन् । चलचित्र हजार जुनीसम्म भदौ ६ बाट देशव्यापी रुपमा प्रदर्शनमा आउने भएको छ ।