२८ अषाढ २०७६, काठमाडौं
बिहीबारदेखि परेको अविरल वर्षाका कारण देशका विभिन्न ठाउँमा धेरै मान्छेहरुले ज्यान गुमाइरहेका छन् ।
अविरल वर्षाका कारण देशका अधिकांश नदीनाला तथा तालतलैयाहरुले सतर्कता तह क्रस गरेका छन् ।
सम्बन्धित निकायहरुले उच्च सतर्कता अपनाउन आग्रह गरिरहेका छन् । यसैबीच गृहमन्त्राल अन्तर्गतको राष्ट्रिय आपतकालीन कार्यसञ्चालन केन्द्रले हालसम्मको २९ जनाको मृत्यु भएको तथ्यांक सार्वजनिक गरेको छ ।
यसैगरि १४ घाइते १४ बेपत्ता भएका केन्द्रले जनाएको छ ।
यो हेरौं
नेपाल सरकार
गृह मन्त्रालय
राष्ट्रिय आपतकालीन कार्यसञ्चालन केन्द्र
Situation Report
मिति २०७६असार२८ गते
अद्यावधिक समय: 2:०० बजे
मिति २०७6 असार 26 गते दिउँसोदेखि परेको अविरल वर्षाका कारण भएको मानवीय क्षति र प्रतिकार्य सम्बन्धी हालसम्म प्राप्त विवरणहरु तथा वस्तुस्थिति देहाय बमोजिम रहेको छ ।
| क्र.स | जिल्ला | मृत्यु संख्या | वेपत्ता | घाईते | विस्थापित घरधुरी | विस्थापित संख्या |
| 1. | झापा | १ | 1 | |||
| 2. | ईलाम | १ | ||||
| 3. | मोरङ्ग | 1 | ४०० | १००० | ||
| 4. | सुनसरी | 1 | ||||
| 5. | सप्तरी | |||||
| 6. | सिराहा | 2 | ||||
| 7. | ओखलढुङ्गा | १ | ||||
| 8. | धनुषा | |||||
| 9. | महोत्तरी | 1 | 2 | |||
| 10. | सर्लाही | 1 | ||||
| 11. | रौतहट | १ | 5 | |||
| 12. | बारा | १ | 1665 | |||
| 13. | पर्सा | 1 | 1 | 727 | ||
| 14. | पाँचथर | 1 | ||||
| 15. | खोटाङ्ग | 3 | 1 | |||
| 16. | भोजपुर | २ | १ | |||
| 17. | धनकुटा | २ | ||||
| 18. | रामेछाप | 1 | 1 | |||
| 19. | सिन्धुली | २ | ३ | 2 | ||
| 20. | दोलखा | १ | ||||
| 21. | काभ्रेपलाञ्चोक | ३ | 2 | |||
| 22. | ललितपुर | 6 | 1 | |||
| 23. | काठमाण्डौ | 3 | 1 | १ | ||
| 24. | मकवानपुर | २ | 2 | १ | ||
| 25. | धादिङ्ग | 2 | १ | १ | ||
| जम्मा | 29 | १4 | २4 | 2065 | १727 | |
पूर्वी तराई तथा मध्य तराईको पूरै क्षेत्रमा वर्षाको प्रभाव रहेको । काठमाण्डौ उपत्यका लगायतका पहाडी क्षेत्रमा पहिरो, पर्खाल मृत्युको कारक बनेको छ । देशभर मनसुन सक्रिय छ ।
- मृतकहरुको विवरण
मिति २०७6 असार 26 गते दिउँसोदेखि परेको अविरल वर्षाका कारण (बाढी, पहिरो, घरभत्कीएर )हाल सम्म देहायका व्यक्तिहरुको मृत्यु भएको ।
- पर्सा – 1 जनाको मृत्यु (निखील पटेल)
- भोजपुर – २ जना मृत्यु (जनक वि.क. र जगत बहादुर राई)
- रामेछाप – 1 जनाको मृत्यु (पदम कुमारी सुनुवार)
- सिन्धुली – 2 जनाको मृत्यु (हेमकुमारी सुनुवार र कार्वन कपारी)
- काभ्रेपलान्चोक – ३ जनाको मृत्यु (गोमा दंगाल, सुहावी दंगाल, कृष्णदेवी रायमाझी)
- ललितपुर – ६ जनाको मृत्यु (सरोज जिम्वा,अविरल गोले, संन्दिप लोल्हो, सुवेश बस्नेत, सिता रानामगर, सानु मैया लोल्हो)
- काठमाण्डौ – 3 जनाको मृत्यु (सर्मिला यादव, नितु यादव र कुन्दन यादव)
- धादिङ्ग – 2 जनाको मृत्यु (अस्मिता तामाङ्ग, राज कुमार ठकुरी )
- खोटाङ्ग – 3 जनाको मृत्यु (रेखा राई, रोमन राई र रोहन राई)
- मकवानपुर – 2 जनाको मृत्यु (सन्तमाया बलामी र सानुकान्छा सुनुवार)
- बारा – १ जनाको मृत्यु (विक्कु यादव)
- ईलाम – १ जनाको मृत्यु (मानाहाङ्ग लावती )
- झापा – १ जनाको मृत्यु (ऐलिजा न्यौपाने )
- ओखलढुङ्गा १ जनाको मृत्यु (पासाङपुटी शेर्पा)
- राजमार्ग अवरुद्ध र खुलाउने प्रयास जारी :
- वी.पी. राजमार्ग
- पूर्व पश्चिम राजमार्ग
- तेह्रथुम म्याङलुङ-बसन्तपुर सडक
- मेची राजमार्ग अवरुद्ध
- उदयपुर गाईघाट खोटाङ्ग
- खोटाङ हलेसी-तुवाचुङ
- सिन्धुली गोलञ्जोर
- ललितपुर महाकाल- कुलेखानी
- लम्जुङ्ग मनाङ्ग सडक अवरुद्ध
- पासाङ्गल्यामु राजमार्ग अवरुद्ध
- बेनी जोमसोम
- हालसम्मभएका प्रयासहरु
- वाढी र वर्षाको पूर्व सूचना प्रणाली सक्रिय गराइएको । सम्भावित क्षेत्रमा निरन्तर एस.एम.एस पठाइएको छ । सामाजिक सञ्जाल र मिडियाबाट सुसूचित गरिएको छ ।
- स्थानीय प्रशासन, सबै सुरक्षा निकायहरु कार्य स्थलमा उच्च सतर्कताका साथ कार्य गरिरहेका ।
- अवरुद्ध सडकहरु खुलाउने प्रयास भइ रहेको ।
- भारतीय पक्षसँग समन्वय गरी सर्लाहीमा पानी निकासा गराइएको । रौतहटमा पनि पानी निकासा भएको
- स्थानीय तहहरु आ-आफ्नो स्थानमा सक्रियता पूर्वक खटेका ।
- आपत्कालीन उद्धारको लागि हेलिकप्टरहरु तत्पर अवस्थामा रहेका तर मौसम प्रतिकुल रहेको ।
- 2076/03/28 गते शनिवार दिनको 10:30 बजे कार्यकारी समितिको बैठक बसी प्रतिकार्य तथा पुर्नलाभका सम्बन्धमा आवश्यक निर्णयहरु गरेको ।
