अवार्ड पाएपछि खुसी हुँदै स्वस्तिमाले भनिन्, ‘निश्चल मेरो लागि लक्की छ’

२९ असार २०७६, काठमाडौँ

नायिका स्वस्तिमा खड्का चर्चा यतिबेला जताततै छ । केहीसमय अघि मात्र उनले सार्क फिल्म फेस्टिभलमा उत्कृष्ट नायिकाको अवार्ड जितेकी थिइन् । नेपाल आउने बित्तिकै उनले नेपालकै सबैभन्दा ठूलो राष्ट्रिय चलचित्र पुरस्कार पनि चलचित्र बुलबुल बाट उत्कृष्ट नायिकाको अवार्ड हात पारेकी छिन् ।

अवार्ड पाएपछि स्वस्तिमा निकै नै खुसी देखिएकी छिन् । यस्तै सबैले उनलाई निश्चल उनको लागि लक्की भएको बताउँदै आएका छन् । स्वस्तिमा पनि यो कुरालाई स्वीकार्छिन् । तर उनी आफूले पनि यो स्थानसम्म आउनको लागि निकै मेहेनत गरेको कुरा पनि बिर्सन चाहन्नन् । उनले आफूले यो क्षेत्रमा स्थापित हुनको लागि दिनरात मेहेनत गरिरहेको बताउँदै आएकी छिन् ।