३१ अषाढ २०७६, काठमाडौं
नेपाल–भारत सीमा छुट्याउन राखिएको चार ओटा पिल्लर बाढीले ढालेको छ ।
विजयनगर–७ ठकुरापुरमा रहेको चरगाहवा नदीमा आएको बाढीले पिलर ढालेको हो । नेपाल–भारत सीमा सुरक्षा समितिले बनाएका पिल्लर बाढीले ढालेको हो ।
कमसल सामग्री प्रयोग गरेर पिल्लर निर्माण गरिएकाले बाढीले सहजै ढालेको विजयनगरवासीले बताएका छन् ।
नेपाल–भारत सीमा सुरक्षा समितिले पिल्लर बनाउन ठेकेदारलाई जिम्मा दिए पनि ती ठेकेदारले पुनः अर्को स्थानीय ठेकेदारलाई जिम्मा दिँदा यस्तो अवस्था बताइएको छ ।
पिल्लर एकवर्ष अगाडि मात्रै ढलेको थियो ।
