०१ श्रावण, २०७६, काठमाडौं
लगातार ११५ घण्टा विभिन्न इतिहास तथा प्रतिष्ठित व्यक्तिहरुको जीवनी पढेर बझाङका मुकेश राज जोशी गिनिज बुकमा नाम लेखाउँदै छन् ।
नेपाल पछिल्लो समय गिनिज बुकमा नाम लेखाउने मामिलामा धेरै अगाडि बढेको छ । यसैगरि आगामी भाद्रमा पनि फेरि एकपटक नेपालको नाम गिनिज बुकमा लेखिदैं छ ।
यसले कुनै सम्बन्धित एक व्यक्तिको मात्रै होइन । सिङ्गो देशकै नाम पनि विश्वमा चिनाउने काम गर्छ ।
नेपालका लागिः
मुकेशले राखेका रेकर्ड उनको मात्रै होइन ।
वास्वतमा भन्ने हो भने यो रेकर्डले सिङ्गो नेपाल देशको प्रतिनिधित्व गर्छ । व्यक्तिको नाम भन्दा पनि देशको नाम अगाडि आउँछ ।
यस्तो गौरवान्वित कामको लागि हामी सबैले मुकेशजस्ता आँटिला व्यक्तिलाई साथ दिन आवश्यक छ ।
आयोजकः
मुकेशराजको रेकर्डका लागि आयोजक बनेर साथ दिँदै छ, गिनिज बुक इभेन्ट नेपालले ।
कुनै पनि काम साँगठनिक हिसाबबाट गरियो भने त्यसलाई निभाउँन सजिलो हुने कुरा इभेन्ट नेपालका अध्यक्ष तथा मोटिभेशनल स्पिकर सन्तोष लामा बताउँछन् ।
यसभन्दा अगाडि पनि धेरै गिनिज इभेन्टहरु संचालन गरिसकेको गिनिज इभेन्टले यसलाई पनि सहजै रुपमा संचालन गर्ने इभेन्ट नेपालका प्रबन्धक हरि चन्द्र लामा ढुक्क छन् ।
आर्थिक पाटोः
कुनै पनि खालको कार्य संचालन गर्नुको अगाडि आर्थिक पाटो जोडिन्छ । यस्तै मुकेशको लागि पनि केही रकम आवश्यक त पर्छ नै ।
तर, आर्थिक पाटोलाई सजिलै व्यवस्थापन गर्न सकिने इभेन्ट नेपालका प्रबन्धक हरि चन्द्र लामा बताउँछन् ।
रोयल क्यासिनोमा कार्यरत जोशीलाई आफ्ना अन्य सहपाठीहरुले पनि सहयोग गर्ने बताएका कुरा उनले बताए ।
आयोजकको तर्फबाट पनि भौतिक सहयोगदेखि लिएर सबै खालको सहयोगहरु उपलब्ध हुने अध्यक्ष सन्तोष लामाले बताए ।
बझाङवासी मुकेशः
११५ घण्टा पढेर गिनिज बुकमा नाम लेखाउने आँट भएका व्यक्ति मुकेश राज जोशी बझाङवासी हुन् ।
बझाङको पनि कुनै अविकसित कुनामा जन्मेका उनले यो आँट गर्न पनि ठूलो कुरा हो ।
उनलाई बझाङवासी अन्यले पनि सहयोग गर्ने प्रतिवद्धता जनाएको उनी सुनाउँछन् ।
भिडियोः
सम्बन्धित समाचारः
