‘सारेगमपा’ बाट चर्चामा आएका आयुषले पहिलोपटक चलचित्रको गीतमा आवाज दिदैँ

०२ साउन २०७६, काठमाडौँ

सारेगमपा लिटल च्याम्प मा चौथो स्थान हासिल गरेर नेपाल फर्केका आयुष केसीको चर्चा यतिबेला जताततै छ । उनले नेपालमा पनि सुरशाला आइडल जुनियर को उपाधी जितेका थिए । भारतमा गएर यति ठूलो स्थान हासिल गर्नु साच्चिनै नेपालीको लागि गौरवको कुरा हो ।

यस्तै आयुषले पहिलो पटक चलचित्रको गीतमा आवाज दिने अवसर पाएका छन् । उनले विकासराज आचार्यद्धारा निर्देशित प्रतिक्षित चलचित्र हजार जुनीसम्म को टाइटल गीतमा आवाज दिने भएका छन् । उक्त गीतमा चलचित्रका मुख्य कलाकार अनुभव रेग्मी फिचर्ड हुने बताइएको छ । आयुष हजार जुनीसम्म को गीत गाउनको लागि निकै नै उत्साहित छन् । उनले केही दिनमा नै गीत रेकर्ड गराउँदै छन् ।