डा. सिके राउतको जीवनीमा आधारित चलचित्र बन्दै

०२ साउन २०७६, काठमाडौँ

मधेसका चर्चित नेता डा. सिके राउतको जीवनमा आधारित चलचित्र बन्ने भएको छ । ५० प्रतिशत उनको जीवनको भोगाई र ५० प्रतिशत चलचित्रको कथा जोडेर चलचित्र बन्ने भएको छ ।

उक्त चलचित्र नाम भने डा. सिके राउत द प्यासन  राखिएको छ । हिजो राजधानीमा चलचित्रको टिजर पनि सार्वजनिक गरिएको थियो । जहाँ डा. सिके राउत पनि उपस्थित भएका थिए ।

उनले सुरुमा आफ्नो जीवनीमा चलचित्र बन्ने कुरामा विश्वास नै नलागेको तर अहिले निर्माण टिमको जोस र जागँर देख्दा आफू यस चलचित्रप्रति सकारात्मक भएको बताएका छन् । यो चलचित्र छठ पर्वको आसपासमा रिलिज हुने बताइएको छ । चलचित्र हेर्नको लागि डा. सिके राउत पनि उत्साहित रहेका छन् ।