यो बर्ष पूजा शर्माका ३ चलचित्र रिलिज हुँदै, कुन चलचित्रले जित्ला त दर्शकको मन ?

०२ साउन २०७६, काठमाडौँ

नायिका पूजा शर्माको क्रेज चलचित्र क्षेत्रमा लोभलाग्दो रहेको छ । अहिले उनको नामले मात्र पनि चलचित्र हेर्न दर्शकहरु हलसम्म आउने गर्छन् । यसबर्ष त झन पूजाका फ्यानलाई निकै मज्जा आउने भएको छ । किनकी यसबर्ष पूजाका ३ चलचित्र प्रदर्शनमा आउने भएका छन् ।

सौगात मल्ल, पूजा शर्मा, आकाश श्रेष्ठ, सृष्टि श्रेष्ठ लगायतका कलाकारको अभिनय रहेको चलचित्र पोई पर्यो काले यसैबर्ष प्रदर्शनमा आउँदै छ । छायांकन अगावै चर्चामा रहेको यो चलचित्र यसबर्षको प्रतिक्षित चलचित्रमध्येको एक हो । यस्तै करिब ३ बर्ष अगाडी प्रदर्शनमा आएको चलचित्र म यस्तो गीत गाउँछु को सिरिजको रुपमा निर्माण हुन लागेको चलचित्र म यस्तो गीत गाउँछु २ पनि फागुनमा रिलिज हुने बताइएको छ । जहाँ हामीले फेरि एकपटक पल र पूजालाई देख्न पाउने भएका छौँ ।

यस्तै यसैबर्ष पूजा, सोनम र आकाश अभिनीत चलचित्र सम्हालिन्छ कहिले मन पनि प्रदर्शनमा आउने बताइएको छ । यसको रिलिज डेट भने तय भएको छैन । यो चलचित्र पनि दर्शकमाझ निकै प्रतिक्षित बनिरहेको छ । अब यी ३ चलचित्रमध्ये कुन चलचित्रले दर्शकको मन जित्ने हो त्यो भने हेर्न बाकिँ नै छ । तर पूजाको क्रेज अनुसार भने यी तिनै चलचित्रले राम्रो व्यापार गर्ने अनुमान गर्न सकिन्छ ।