०३ साउन २०७६, काठमाडौँ
नायिका स्वस्तिमा अहिलेकी सबैभन्दा व्यस्त र डिमाण्डेड नायिका हुन् । उनी एकपछि अर्को चलचित्रमा निरन्तर काम गरिरहेकी छिन् । केहीसमय अघि स्वस्तिमाले श्रीलंकामा भएको ‘सार्क फिल्म फेस्टिभल’ मा चलचित्र ‘बुलबुल’ बाट ‘पर्फमेन्स अफ द इयर’ को अवार्ड जितेकी थिइन् । उक्त अवार्ड स्वस्तिमाको करियरको पहिलो अवार्ड भएको पनि स्वस्तिमाले बताइन् ।
नेपाल आउने बित्तिकै स्वस्तिमाले चलचित्र ‘बुलबुल’ बाट नै ‘राष्ट्रिय चलचित्र पुरस्कार’ पनि जितिन् । यसपछि स्वस्तिमाको क्रेज झनै बढेको छ । स्वस्तिमाको फ्यान फलोइङ निकै लोभलाग्दो रहेको छ । त्यसैले पनि अहिले उनलाई नेपालको नम्बर वान नायिकाको रुपमा हेरिएको छ ।
अहिलेको समयमा स्वस्तिमा साच्चै नै नम्बर वान नायिका हुन् । उनले कुनै समयमा नम्बर वान नायिकाको रुपमा परिचित प्रियंका कार्की, रेखा थापा, साम्राज्ञी राज्यलक्ष्मी शाहलाई नै पछि पारिदिएकी छिन् । यतिबेला भने स्वस्तिमा हजार जुनीसम्म को काममा व्यस्त छिन् ।
स्वस्तिमाका केही सुन्दर तस्बिरहरु–
