जसिताको हातमा किन छैनन् चलचित्र ?

०३ साउन २०७६, काठमाडौँ

नायिका जसिता गुरुङ अहिले कुनैपनि चलचित्रमा व्यस्त छैनन् । उनले चलचित्र आई एम ट्वान्टि वान मा काम गर्ने कुरा थियो । तर उनी नै चलचित्रकी नायिकाको रुपमा पक्का भने भएकी छैनन् ।

रेनशाले केहीदिन अघिमात्र रेखा थापाको नयाँ चलचित्र निर्देशन गर्ने जिम्मा लिएकी छिन् । त्यसैले उनले पहिले आई एम ट्वान्टी वान भन्दापनि अगाडी रेखाको चलचित्र निर्माण गर्ने देखिएको छ । तर उनले पहिले कुन चलचित्र निर्देशन गर्ने भन्ने कुराको फाइनल डिसिजन भने भएको छैन ।

यस हिसाबले जसिताको हात अहिले खाली छ । उनलाई चलचित्रको अफर नै नआएको हो वा उनले नै नयाँ चलचित्र कुरिरहेकी छिन् त्यो भने थाहा छैन । जसिताले लिलिबिली बाट आफ्नो अभिनय यात्रा सुरु गरेकी थिइन् । पहिलो चलचित्रबाट नै उनले सर्वाधिक चर्चा पाइन् । उनलाई साम्राज्ञीको प्रतिस्पर्धीको रुपमा पनि हेरिएको थियो । तर जसिता अहिले गुमनाम जस्तै भएकी छिन् ।