०४ साउन २०७६, काठमाडौं
गएराति सम्पन्न फाइनल खेलमा सेनेगललाई १–० गोल अन्तरले पराजित गर्दै अल्जेरियाले अफ्रीका नेसन्स कपको उपाधिमा कब्जा जमाएको छ । यो जितसँगै अल्जेरियाले दोस्रो पटक अफ्रीका नेसन्स कपको उपाधि जितेको हो ।
अल्जेरियाले सन् १९९० मा पहिलो पटक अफ्रीका नेसन्स कपको उपाधि जितेको थियो ।
खेल सुरु भएको दोस्रो मिनेटमा नै बगदाद बौनेडजाहले गोल गरी अल्जेरियालाई अग्रता दिलाएका थिए । उक्त गोल नै निर्णायक गोल बन्न पुगी अल्जेरियाले उपाधि जितको हो ।
