०४ साउन २०७६, काठमाडौं
सधैँजसो विभिन्न शब्दहरू उच्चारण गरेर होस् या व्यङ्ग्यात्मक भाषण गरेर होस् नेता कार्यकर्तादेखि जनतासम्मलाई हँसाइरहने प्रधानमन्त्री केपी शर्मा ओलीले भावुक भाषण दिएका छन् ।
उनले भानु जयन्तीको अवसरमा प्रज्ञा प्रतिष्ठान कमलादीमा आयोजित कार्यक्रममा बोल्दै लगातारको वर्षाका कारण देशका विभिन्न स्थानमा आएको बाढी र पहिरोमा परि ज्यान गुमाएका तथा बेपत्ता भएकाहरूलाई सम्झेर भावुक बनेका हुन् ।
प्रधानमन्त्री ओलीले कार्यक्रमलाई सम्बोधन गर्दै आँखाभरि आँशु टल्पलाउँदै आफ्नो मन भारी भएको बताए । ‘कवि भूपिको कविताभन्दा कमजोर हालत छ मेरो ।’ प्रधानमन्त्री ओलीले भने ।
बिहीबार रातिदेखि परेको अविरल वर्षाका कारण ५० भन्दा बढीले ज्यान गुमाइसकेका छन् भने ३३ जना बेपत्ता छन् ।
भिडियो:
