सोलो नायिकाको रुपमा प्रियंका कहिले हिट हुने ?

०४ साउन २०७६, काठमाडौँ

नायिका प्रियंका कार्की मल्टिस्टारर चलचित्रमा खुबै जमेकी छिन् । ‘छक्का पञ्जा’, ‘नाई नभन्नु ल २’,३,४,५ यसका उदाहरण हुन् । तर उनी सालो चलचित्रमा किन जम्न सकेकी छैनन् ?

वास्तवमा भन्ने हो भने प्रियंकाले सोलो नायिकाको रुपमा काम गरेको सफल चलचित्र पाउन गाह्रै पर्छ । उनले जतिपनि चलचित्रमा सोलो नायिकाको रुपमा काम गरिन् । ती चलचित्र असफल नै छन् । ‘सुन्तली’, ‘प्रेम दिवस’, ‘ह्यापी डेज’, ‘बटर फ्लाई’ जस्ता चलचित्रमा उनले सोलो नायिकाको रुपमा काम गरेकी थिइन् । तर विडम्बना उनलाई दर्शकले पत्याएनन् ।

बरु प्रियंका आइटम गीतमा खुब चलेकी छिन् । उनले गरेका प्राय आइटम गीतहरु निकै चर्चित छन् । दर्शक प्रियंकाको सोलो भूमिका रहेको उत्कृष्ट चलचित्र कुरिरहेका छन् । तर प्रियंकालाई राम्रो चलचित्रको अफर नै नआएको भनुम वा प्रियंकाले फिल्म नै छान्न जानिनन् । अहिले प्रियंकाको क्रेज पहिले जत्तिको राम्रो छैन । त्यसैकारण पनि उनलाई दर्शकले पत्याउन छोडेका होलान् । चलचित्रमा सोचेजस्तो सफलता पाउन नसकेपछि अब प्रियंका वेब सिरिज बनाउन तर्फ लागेकी छिन् ।