‘टिकटक’ भिडियो बनाउन खोज्दा नदीमा खसेर २४ बर्षे युवकको गयो ज्यान

०५ साउन २०७६, काठमाडौँ

टिकटक निकै लोकप्रिय एप हो । सायद अहिले टिकटक नचलाउने कोहीपनि छैनन् । तर यसले विकृति पनि फैलाएको छ । टिकटक भिडियोको लागि मानिसले आफूले नसक्ने काम पनि गर्न थालेका छन् ।

केहीदिन अघि मात्र दिल्लीमा टिकटक भिडियो बनाउन खोज्दा तलाउमा खसेर २४ बर्षे युवकको ज्यान गएको छ । टिकटक भिडियोको लागि पोज दिदैँ गर्दा उनी अचानक तलाउमा खसे । पौडी खेल्न नजान्ने ती युवकले आफ्नो मदतको लागि आवाज पनि दिए तर उनलाई बचाउन कोही आएनन् ।

टिकटक मा धेरै लाइक पाइने आशले हामीले आफ्नो ज्यानलाई नै खत्रा हुने काम गर्नुहुँदैन । टिकटक भिडियो बनाउँदा ज्यान गएकामध्ये यी युवक पहिलो भने होइनन् । यसअघि पनि टिकटक भिडियो बनाउँदा धेरैको ज्यान गइसकेको छ ।