बालमैत्री प्रधानमन्त्री : प्रितम र आयुषलाई भेटेर आर्शीवाद दिदैँ सपिङ पनि गराइदिए

०५ साउन २०७६, काठमाडौँ

आयुष र प्रितम अहिलेका चर्चित बाल गायक हुन् । भारतको चर्चित रियालिटी शो ‘सारेगमपा लिटल च्याम्प मा’ गएर आयुष र प्रितमले आफ्नो देशको गौरव बढाएका छन् । यस्तै उनीहरुलाई प्रधानमन्त्री केपी ओलीले समेत भेट गरेका छन् ।

आज भएको भेटघाटमा प्रधानमन्त्री ओलीले आयुष र प्रितमलाई गीत गाउन समेत लगाए । उनले दुवैलाई धेरै पढ्न र संगीतको साधनामा लागिरहन आर्शीवाद दिए । साथै प्रधानमन्त्री ओलीले आयुष र प्रितमलाई भाटभटेनीमा लगेर सपिङ पनि गराइदिएको जानकारी प्राप्त भएको छ ।

प्रधानमन्त्री ओलीको यो काम वास्तवमै प्रशंसनीय छ । उनले ती बालकलाई भविष्यमा अझै अगाडी बढ्नको लागि हौसला दिएका छन् । आयुष र प्रितमले पनि प्रधानमन्त्री केपी ओलीसँग भेट्न पाउँदा निकै नै खुसी लागेको बताएका छन् । (कोमल वलीले परिवर्तन खबरलाई दिनुभएको जानकारी)