‘दर्शकले मेरो र क्रिष्टिनाको जोडीलाई मन पराउनु हुन्छ भन्ने कुरामा विश्वस्त छु’ : प्रदिप खड्का

०७ साउन २०७६, काठमाडौँ

यतिबेला चलचित्र प्रेमगीत ३ को चर्चा जताततै भैरहेको छ । छायांकनमा जानु अगावै दर्शकमाझ निकै प्रतिक्षित बनिरहेको चलचित्रमा नायक प्रदिप खड्का नव नायिका क्रिष्टिना गुरुङसँग रोमान्स गर्दैछन् ।

क्रिष्टिना चलचित्रमा फाइनल भएको समयमा प्रदिप नेपालमा नभएकाले उनको गीत अर्थात क्रिष्टिनासँग भेट भएको थिएन । गत बुधबार प्रदिप र क्रिष्टिनाको पहिलो पटक भेट भएको थियो । प्रदिपले क्रिष्टिनालाई आफूले सोचेको भन्दा फरक पाएको बताएका छन् ।

प्रदिपले क्रिष्टिना सानी भएको बताए । साथै उनले क्रिष्टिना निकै लजालु स्वभावको भएको पनि बताए । उनले क्रिष्टिनासँग काम गर्न आफू पनि उत्साहित भएको बताएका छन् । धेरै दर्शकले प्रदिप र क्रिष्टिनाको जोडी निकै सुहाउने बताइरहँदा प्रदिपले पनि क्रिष्टिना र आफ्नो जोडीलाई दर्शकले मन पराउने कुरामा आफू विश्वस्त रहेको बताएका छन् ।