१२ बर्षपछि चलचित्रमा फर्कदै बलिउड अभिनेत्री शिल्पा

०७ साउन २०७६, काठमाडौँ

बलिउडकी चर्चित अभिनेत्री शिल्पा करिब १२ बर्षपछि चलचित्रमा देखिने भएकी छिन् । यो उनको फ्यानको लागि निकै खुसीको खबर हो । शिल्पा बलिउडमा आएको झण्डै २५ बर्ष भैसकेको छ । यो लामो यात्रामा शिल्पाले बलिउडमा थुप्रै बल्कबस्टर चलचित्र दिएकी छिन् ।

पछिल्लो समयमा उनी चलचित्रमा भन्दापनि रियालिटी शोहरुमा बढी व्यस्त देखिएकी थिइन् । तर उनलाई एउटा चलचित्रको कथा निकै मन परेको छ । अहिलेसम्म उक्त चलचित्रको नाम खुलाइएको छैन । यद्यपि चलचित्र कमेडी जनरामा बन्ने बताइएको छ । चलचित्रमा शिल्पा लेखकको भूमिकामा देखिनेछिन् ।

शिल्पा यो चलचित्र खेल्नको लागि निकै उत्साहित छिन् । अहिले उनी विदेश भ्रमणमा भएकाले चलचित्रको काम रोकिएको छ । शिल्पा मुम्बई फर्किने बित्तिकै चलचित्रको औपचारिक घोषणा गरेर छायांकनमा जाने बताइएको छ ।