आज चर्चित अभिनेता अनूप विक्रम शाहीको जन्मदिन, शुभकामना दिनेको ओइरो

०७ साउन २०७६, काठमाडौँ

अनूप विक्रम शाही नेपाली चलचित्र क्षेत्रका चर्चित अभिनेता हुन् । विशेष उनको लुक्सको सधैँभरि चर्चा भैरहने गर्छ । उनलाई दर्शकले नायक र खलनायक दुवै पात्रका रुपमा निकै मन पराएका छन् ।

आज तिनै चर्चित अभिनेता अनूप विक्रम शाहीको जन्मदिन रहेको छ । आजबाट उनी ३३ बर्षमा लागेका छन् । अनूपले छोटो समयमा नै चलचित्र क्षेत्रमा आफ्नो नाम स्थापित गरिसकेका छन् ।

अनूपलाई उनका फ्यानले सामाजिक सञ्जालमा शुभकामना दिइरहेका छन् । नायिका नम्रता श्रेष्ठले पनि अनूपलाई जन्मदिनको शुभकामना दिएकी छिन् । हाम्रो तर्फबाट पनि अनूपलाई जन्मदिनको धेरै धेरै शुभकामना ।