‘गीत’ सँग घोडासवार सिक्दै ‘प्रेम’

१० साउन २०७६, काठमाडौँ

यतिेबला चलचित्र प्रेमगीत ३ को लागि प्रदिप र क्रिष्टिना लगायत पुरै चलचित्र टिम नै निकै मेहेनत गरिरहेको छ । यस्तै अहिले प्रदिप र क्रिष्टिना घोडा चलाउन सिकिरहेका छन् । क्रिष्टिनाले प्रदिपले भन्दा अलि पहिले नै घोडा चलाउन सिकेकाले उनी प्रदिप भन्दा अलि सिपालु छिन् र प्रदिपलाई सिकाइ पनि रहेकी छिन् ।

पहिलो पटक मिडियामा प्रेम र गीत एकसाथ आएका हुन् । दुवैले घोडा सिक्दा रमाइलो भैरहेको बताए । धापाखेलमा रहेको एक घोडा फार्ममा अहिले चलचित्रका कलाकार निकै मेहेनत गरेर घोडा सिकिरहेका छन् । चलचित्रमा घोडाको पनि कलाकारको जति नै भूमिका रहने निर्माता सन्तोष सेनले बताएका छन् । चलचित्र प्रेमगीत ३ को छायांकन दशैँपछि सुरु हुने बताइएको छ ।