१० साउन २०७६, काठमाडौं
बूढानीलकण्ठ नगरपालिका वडा नं १० को आयोजनामा प्रथम अन्तर विद्यालय फुटसल प्रतियोगिता २०७६ ग्रीनविच फुटसल आकाशेधारामा शुरु भएको छ ।
प्रतियोगितामा बूनपा १० भित्रका सरकारी र निजी गरि १० वटा विद्यालयहरुको सहभागिता रहेको थियो । जसमा माण्डु एकेडेमी, त्रिनेत्र विद्या निकेतन, तिरुपति र फेरिल्याण्ड गरी चार विद्यालयका टीम सेमिफाईनलमा प्रवेश गरेका छन् ।
फुटसल प्रतियोगिता उद्घाटन समारोहमा बूनपा १० का वडाध्यक्ष नवराज भट्टराईले विद्यालयमा पढाईमा मात्र नभएर खेलकुद तथा समाजिक कार्यमा विद्यार्थिहरुलाई सहभागी गराउनु पर्नेमा जोड दिएका थिए ।
वडाध्यक्ष भट्टराई भन्छन्, खेलकुदलाई विशेष प्रथामिताका साथ अगाडी बढाउन सके खेलाडीले आफु मात्र नभएर देशलाई नै विश्वसामु चिनाउन सक्छन् ।
प्रथम अन्तर विद्यालय फुटसल प्रतियोगिताको विजेतालाई २० हजार तथा उप विजेतालाई १० हजार नगद सहित मेडल, ट्रफि र सर्टिफिकेट दिईने जानकारी युवा संजालका अध्यक्ष तथा कार्यक्रम संयोजक आकाश श्रेष्ठले परिवर्तन खबरलाई दिएका छन् ।
