१२ साउन २०७६, काठमाडौं
बूढानीलकण्ठ नगरपालिका वडा नं. १० द्वारा आयोजित वडा स्तरीय प्रथम अन्तर विद्यालय फुटसल प्रतियोगिताको उपाधि फेरिल्याण्ड स्कूल, बालुवाखानीले जितेको छ ।
बिजेता टोलीलाई बूढानीलकण्ठ नगरपालिका प्रमुख उद्धवप्रसाद खरेलले नगद रु. २०,००० सहित मेडल प्रमाणपत्र, ट्रफी प्रदान गरेका थिए । यहि श्रावण १० र ११ गते सम्पन्न प्रतियोगिताको प्रतियोगितामा त्रिनेत्र विद्या निकेतन उपविजता बनेको छ । उपविजेता टिमले नगद रु. १०,००० सहित सहित मेडल प्रमाणपत्र, ट्रफी प्राप्त गरेका थिए ।
प्रतियोगिताको समापन कार्यक्रममा नगरप्रमुख उद्धवप्रसाद खरेलको प्रमुख आतिथ्यतामा संचालन गरिएको थियो भने सर्वाधिक गोलकर्ता र उत्कृष्ट गोलकपिरको उपाधि पनि फेरिल्याण्डकै पुरुषोतम थापा र सन्दिप मगरले हात पारेका छन् ।
