१४ साउन २०७६, काठमाडौँ
नायिका शिल्पा पोखरेलले केहीसमय अघि छविले आफूलाई नायक आर्यन सिग्देल प्ले ब्वाई भएको बताएकाले आर्यनको नजिक कहिल्यै नगएको बताइन् । शिल्पाले आफ्नो पहिलो चलचित्र नै आर्यन सिग्देलसँग खेलेकी थिइन् ।
छवि र शिल्पाको झगडाको विषय बाहिर आएपछि शिल्पाले यो कुरा पनि भनेकी थिइन् । अहिलेसम्म आर्यन यो कुरामा मौन नै थिए । उनले कहिले छवि र शिल्पालाई केहीपनि भनेनन् । तर अहिले भने आर्यनले छवि र शिल्पालाई कडा जवाफ दिएका छन् ।
उनले आफूू कस्तो छु भन्ने कुरा आफ्नो परिवार र दर्शकलाई नै थाहा भएको बताए । उनले यस्ता सामान्य कुराले आफूलाई कुनै फरक नै नपार्ने समेत बताए । उनले शिल्पाले भनेको कुराले आफूलाई केही समस्या नभएको बताए । उनी अहिले चलचित्र हजार जुनीसम्म को प्रमोशनमा व्यस्त छन् ।
